Kiter in Italien gesucht!

[NobileHons]

freitig wor schun gonz guat....
wor in sommstig jemend fe enk?? zem wor volle gfahrlich! hot sich a oaner weagetun.
hoffentlich sperrn sie inz net in sea lei weil oaner zoagn muaß wia geil er isch und sich net beherschn konn mol net einizugean!

[el che]

Zitat von NobileHons

freitig wor schun gonz guat....
wor in sommstig jemend fe enk?? zem wor volle gfahrlich! hot sich a oaner weagetun.
hoffentlich sperrn sie inz net in sea lei weil oaner zoagn muaß wia geil er isch und sich net beherschn konn mol net einizugean!

dozehl!!!

[NobileHons]

Somstig wor dor Wind extrem böhig....isch so zwischn 4-5 und 15-20 Knotn auf und niedergongen. Volle zach und wor a foscht niamand afn Wosser.
Uma holbe 6e hom holt dorgaligscht olle afs Wossor ausi gwellt und pan startn isch nor oanor mit sein Schirm von der Wiese übern holbn Steg ausigflogn und in den kloan Beckn zwischn Steg und Wiese glondet.
An Meter weiter und er war mitn Kopf im Steg hängen gebliebn.....
I hon lei nomol gwellt sogn,dass es Kiten af den Sea eigentlich verboten isch und lei geduldet wert desswegn sollet man sich holt awiadn diszipliniert verholtn.
An onderer wor a no der sich sein Schirm total dorheng hot. Der isch lei ins Wosser einikemmen netamol gfohrn und hot sein Kite rückwärts af die Bonk afn Steg einigworfn. Segel gerissen. Kannt obor genauso mit an Zuaschauer passieren !!!
I bin selber net einigongen,weils mir oanfoch zu gfahrlich wor....

[dackel]

Volle Zach.

[Stoan]

Zitat von NobileHons

.....
I hon lei nomol gwellt sogn,dass es Kiten af den Sea eigentlich verboten isch und lei geduldet wert desswegn sollet man sich holt awiadn diszipliniert verholtn....

Verbotn ischs?
Wou hosch sel hear bzw. woher woasch sel? Amol i hatt nou nix fa an Verbot gheart...
Sel isch amol klor, dass men sich auffiahrn sollet, obr dei wearn des sichr nit extra getoun hobn weil i glab kaum, dass oanr gern seine Gsundheit odr sein Material afs Spiel setzt.
Obr i konns a nit beurteiln weil i nit drein gweisn bin und wenns wirklich sou letz gweisn isch, nochr miaset woll a jedr selbr wissn obr startet odr nit...

[el che]

Zitat von NobileHons

und pan startn isch nor oanor mit sein Schirm von der Wiese übern holbn Steg ausigflogn und in den kloan Beckn zwischn Steg und Wiese glondet.
..

sem ban gretl am see odo? va mir aus isch sell an extrem gfährlicher startplotz - net lei bei böigem wind. wegn die staudn kimmp do wind sowieso bled eina und nor hosch de komische konstruktion mitn kloanen beckn. va mir aus geat es startn lei ba an grodn steg (z. b. ban camping) odo - besser - man fohrt mit an tretboot eini und startet im wosser. sem gibs garantiert koane gfährlichn situationen. obo du hosch recht: grod mir kiter miassn afn sea aupassn, 1. weil die surfer vor ins do worn und mir sollatn ihnen net ollzuviel af die keks gian und 2. a kite (im unterschied zum surf) a ziemlich gfährliches gerät sein konn.

[NobileHons]

Zitat von el che

va mir aus isch sell an extrem gfährlicher startplotz - net lei bei böigem wind.

jo do hosch vollkommen recht am beschtn isch von Bot aus startn

Zitat von Stoan

Verbotn ischs?
Wou hosch sel hear bzw. woher woasch sel? Amol i hatt nou nix fa an Verbot gheart...

soviel i woas isch Kiten in dor gonzn Region Trentino-Südtirol verboten auser afn Reschnsea...obor i konn mi a teischn

[el che]

Zitat von NobileHons

soviel i woas isch Kiten in dor gonzn Region Trentino-Südtirol verboten auser afn Reschnsea...obor i konn mi a teischn

na, es isch im trentino verbotn. in südtirol ischs net verbotn - odo bessa: es gib koane regelung dozua.

[dackel]

Zitat von el che

na, es isch im trentino verbotn. in südtirol ischs net verbotn - odo bessa: es gib koane regelung dozua.

el che da hosch recht. Wiso aber viele glabn dass am Kalterer See verboten isch, isch weil wenn die Badeseison begint du nimmer vom Gretl am See vor a gewissen Uhrzeit starten terfsch, weil er di nimmer losst. Mit am Bot wersch olm terfn.

[Stoan]

Trentino woas i, obr fa Südtirol hatt i a nia eppes gheart bzgl. Verbot.
Obr nochr bin i io beruhig.

Hot fa enk amol oanr probiert af an Bergsea zu Kiten, weil dr Reschnsea und dr Koltrer sein io nit die oanzign Sean ? I woas, kiahl wearn Sie schun sein, obr bzgl. Wind miaset oftramol igndwou schun eppes gean...

[NobileHons]

ok iaz woas i a wiedor wos nuies...thx in olle

[el che]

Zitat von Stoan

Hot fa enk amol oanr probiert af an Bergsea zu Kiten, weil dr Reschnsea und dr Koltrer sein io nit die oanzign Sean ? I woas, kiahl wearn Sie schun sein, obr bzgl. Wind miaset oftramol igndwou schun eppes gean...

tipo? mir follat iatz koando ein ba dems gang. entweder es sein kloane lockn odo soffl innigepfercht in die knottn dass nia a holbwegs normaler wind hinkimmp. af jedn foll tianse afn achnsea in tirol kiten - sell isch am ehestn no a bergsea.... wos vielleicht windtechnisch no gian kannt isch do antholzer sea....

[dackel]

Zitat von el che

tipo? mir follat iatz koando ein ba dems gang. entweder es sein kloane lockn odo soffl innigepfercht in die knottn dass nia a holbwegs normaler wind hinkimmp. af jedn foll tianse afn achnsea in tirol kiten - sell isch am ehestn no a bergsea.... wos vielleicht windtechnisch no gian kannt isch do antholzer sea....

Wie isch den der Sea in Toblach?

[Stoan]

Moansch in Dürrensteinsea odr in Toblacher Sea?
I hatt amol afn Dürrenstein Sea gedenkt...
Ultn kimp ba die Stausea wohrsch. koa Wind zui odr?
Und Schnols ban Stausea?

[el che]

Zitat von Stoan

Moansch in Dürrensteinsea odr in Toblacher Sea?
I hatt amol afn Dürrenstein Sea gedenkt...
Ultn kimp ba die Stausea wohrsch. koa Wind zui odr?
Und Schnols ban Stausea?

tobla bzw. dürrnstein sea kenni zu wianig. ultn und schnols sein geschtns amol follwinde - i glab ban an sea mochts lei sinn wenn a thermik entsteat. und fir sell sein die bergseen meistns zu kolt odo zu kloan. es ideale war irgenda loke im unterlond - sem isch recht viel wind, obo i woass sem nix.

[Stoan]

Zitat von el che

tobla bzw. dürrnstein sea kenni zu wianig. ultn und schnols sein geschtns amol follwinde - i glab ban an sea mochts lei sinn wenn a thermik entsteat. und fir sell sein die bergseen meistns zu kolt odo zu kloan. es ideale war irgenda loke im unterlond - sem isch recht viel wind, obo i woass sem nix.

In Unterlond gibs a eher koa Lockn, dei groaß genua waret...
Woas eigentlich jemand wisou eigentlich in dr Prov. Treant es Kiten verboten isch? Hots amol an Unfoll odr Probleme geibn odr ? Weil Caldonazzo-Sea waret schun guat zun Kiten und Plotz waret a. Sch... Verbot!

[el che]

Zitat von Stoan

Woas eigentlich jemand wisou eigentlich in dr Prov. Treant es Kiten verboten isch? Hots amol an Unfoll odr Probleme geibn odr ?

scheints hots amol an unfoll (odo mehrare) gebn. obo koando woass eppas genaues.

[Stoan]

Wohrsch. vor longem bol es Kiten nou in die Onfänge wor odr?
Do untn wearts woll a a poor Kiter geibn, dass dei sich nit wehrn und die Provinz Auffordern, des Verbot aufzuheibn? Waret sichr a fürn Tourismus besser wenn Sie des Verbot oschoffn tatn...

[el che]

Zitat von Stoan

Do untn wearts woll a a poor Kiter geibn, dass dei sich nit wehrn und die Provinz Auffordern, des Verbot aufzuheibn? Waret sichr a fürn Tourismus besser wenn Sie des Verbot oschoffn tatn...

v. a. die surfschualn mechtns aufhebn. de miassn sich mit a kaum wochsender zohl va windsurfer ofindn währnd sich a poor km weita die zohl va kaita foscht jedn summer verdopplt..... ondroseits: wenn de z. b. in nord-gardasea autatn, nor war sem es komplette chaos - segler, windsurfer, fährn.....des war lei a froge der zeit bis sich jemand wiedo weah tat